У кітайскай турме памёр 94-гадовы каталіцкі біскуп

Shi (1)

У кітайскай турме памёр 94-гадовы біскуп Каталіцкага Касцёла Космас Шы Эншыян. Апошнія 14 гадоў ён адбываў зняволенне. Усяго іерарх прабыў у турмах 40 гадоў свайго жыцця, паведамляе sedmitza.ru.

Біскуп Шы быў прызначаны на кафедру Ісянь, на поўначы Кітая, у 1982 годзе Папам Янам Паўлам II. Неўзабаве пасля прызначэння ён быў арыштаваны і вывезены ў сакрэтную турму.

Нягледзячы на тое, што мільёны кітайскіх каталікоў маюць права адкрыта вызнаваць сваю рэлігію, адносіны кітайскага ўрада з Ватыканам застаюцца напружанымі. Толькі афіцыйна прызнаная «Патрыятычная асацыяцыя каталікоў Кітая» мае дазвол уладаў пастаўляць біскупаў.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі