У Славакіі праваліўся рэферэндум аб забароне аднаполых шлюбаў

1717520_20150209174918

У Славакіі з-за недастатковай актыўнасці грамадзян праваліўся рэферэндум, тэмай якога было абмежаванне правоў ЛГБТ.

У ходзе рэферэндуму прапаноўвалася падтрымаць забарону на шлюбы паміж асобамі аднаго полу, забарону на ўсынаўленне імі дзяцей, а таксама магчымасць для бацькоў адмовіцца ад урокаў сэксуальнага выхавання для сваіх дзяцей, паведамляе newsru.com.

“За” па гэтых трох пунктах прагаласавалі 95%, 92% і 90% адпаведна. Аднак гэты рэферэндум не мае юрыдычнай моцы. У ім прынялі ўдзел толькі 21,4% тых, хто мае права голасу, тады як мінімальная яўка для прызнання плебісцыту адбыўшымся павінна быць не менш за 50%.

Прадстаўнік каталіцкага альянсу “За карысць сям’і”, які быў ініцыятарам рэферэндуму, Антон Хромік адзначыў, што пераважная большасць тых, хто прагаласаваў, падтрымала традыцыйныя сям’і. Ён назваў такое размеркаванне галасоў “добрай базай” для далейшай дзейнасці.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі