CitizenGO: на рэферэндум пра сям’ю прыйшло больш славакаў, чым на выбары ў Еўрапарламент

альянс за сям'юРэферэндум у абарону сям’і ў Славакіі адбыўся і стаў важным выразам грамадскай думкі, нягледзячы на тое, што з прычыны славацкіх законаў, яго вынікі не атрымалі абавязваючай юрыдычнай моцы. Пра гэта гаворыцца ў заяве расійскага аддзялення міжнароднага хрысціянскага фонду CitizenGo.

У заяве адзначаецца, што больш за 20% жыхароў Славакіі прыйшлі на ўчасткі для галасавання і выказалі сваю пазіцыю, тады як у апошніх выбарах у Еўрапейскі Парламент у Славакіі прынялі ўдзел прыкладна 13% выбаршчыкаў.

«Волевыяўленне 13% хапае, каб выбраныя дэпутаты прадстаўлялі народ Славакіі на ўзроўні ЕС. Але – не хапае, каб вынікі рэферэндуму мелі моц закона», – падкрэслівае прадстаўнік CitizenGo Павел Парфенцьеў.

«Гэта не правал і не “несапраўднасць”. Гэта перамога – проста не такая зруйнавальная, як хацелася б. Арганізатары рэферэндуму – не сумуюць. Ён адбыўся і абаронцы сям’і атрымалі відавочную перамогу. Гэта – важны крок, пачатак вялікага шляху. Каля мільёна грамадзян ва ўмовах нападак з боку ўсіх міжнародных арганізацый, інфармацыйнай блакады (нагадаю – тэлеканалы адмаўляліся нават за грошы размяшчаць рэкламу рэферэндуму!) сабраліся і выступілі ў абарону сям’і і дзяцей. І цяпер, хочацца спадзявацца, яны ўжо не спыняцца», – дадаў ён.

Як паведамляла Крыніца, падчас рэферэндуму прапаноўвалася падтрымаць забарону на шлюбы паміж асобамі аднаго полу, забарону на ўсынаўленне імі дзяцей, а таксама магчымасць для бацькоў адмовіцца ад урокаў сэксуальнага выхавання для сваіх дзяцей. «За» па гэтых трох пунктах прагаласавалі 95%, 92% і 90% адпаведна. Аднак гэты рэферэндум не мае юрыдычнай моцы. У ім удзельнічалі толькі 21,4% тых, хто мае права голасу, тады як мінімальная яўка для прызнання плебісцыту павінна быць не менш за 50%.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
11.02.2015 У свеце| Тэгі: , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты