У Маларыце і Наваполацку адбыліся набажэнствы аб ахвярах вайны ў Афганістане

afganУ наваполацкім праваслаўным храме іконы Божай Маці «Неспадзяваная Радасць» 15 лютага пратаіерэй Аляксандр Карандзей і іерэй Георгій Адынец адслужылі набажэнства падзякі ў дзень гадавіны вываду савецкіх войскаў з Афганістана.

На набажэнстве прысутнічалі воіны-інтэрнацыяналісты, сваякі загінулых падчас вайны ў Афганістане. Прыхаджане дзякавалі Госпаду за спыненне гэтай вайны, а таксама ўзносілі свае малітвы за спыненне вайны на ўкраінскай зямлі. Па заканчэнні набажэнства святар падарыў воінам-інтэрнацыяналістам грамнічныя свечкі, акропленыя святой вадой, паведамляе eparhia992.by.

На могілках у Ропна пад Наваполацкам 13 лютага прайшоў мітынг-рэквіем з удзелам старшакласнікаў і ўдзельнікаў вайны ў Афганістане, іерэй Георгій Адынец адслужыў памінальную літыю. Мітынгі-рэквіемы прайшлі таксама на могілках у Глінішчы і ля мемарыяльнай дошкі камандуючага ВДВ Васіля Маргелава ў Баравусе.

У Маларыце благачынны Маларыцкай акругі, настаяцель Мікалаеўскага храма пратаіерэй Віктар палёце таксама служыў памінальную службу аб загінулых у Афганістане воінах. У царкву прыйшлі жыхары раёна, якія прайшлі гэтую вайну. «Мы павінны памятаць пра іх, – падкрэсліў а. Віктар. – Напэўна, самае вялікае, што мы можам сёння даць былым салдатам афганскай вайны, – гэта малітва, шчырая і шчодрая малітва Богу аб усіх, хто не вярнуўся дадому, прапаў без вестак, памёр ад ранаў», паведамляе ekklisia.by.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
16.02.2015 Навіны цэркваў| Тэгі: , , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты