Ва Украіне перамір’е ў асноўным ўтрымліваецца

hbwzyu_w631h356Назіральнікі АБСЕ заявілі, што да вечара нядзелі, 15 лютага, перамір’е ўтрымлівалася на працягу 18 гадзін, за некаторымі выключэннямі, асабліва ў Дэбальцаве, Райгарадку і Луганску.

Па словах прадстаўніка АБСЕ, у панядзелак арганізацыя дамагаецца прадастаўлення яе назіральнікам поўнага допуску ў Дэбальцава і іншыя раёны, дзе былі адзначаны парушэнні перамір’я, паведамляе korrespondent.net.

Раней сепаратысты перашкодзілі назіральнікам заехаць у горад, паведамілі прадстаўнікі Арганізацыі па бяспецы і супрацоўніцтве ў Еўропе. Сепаратысты акружылі горад і заявілі, што гэта іх тэрыторыя. У іншых раёнах канфлікту перамір’е ў асноўным выконваецца.

Пазней у Мінабароны Украіны паведамілі, што сепаратысты пад Дэбальцавым адступілі пасля прымянення байцамі батальёна Крыўбас артылерыі.

Адзначаецца, што становішча ў раёне Дэбальцава кіраванае.

Еўрапейскія лідары раней папярэдзілі Расію, што калі новыя Мінскія пагаднення будуць сарваныя, у дачыненні да Масквы будуць прыняты дадатковыя санкцыі.

Раней прадстаўнік украінскіх узброеных сіл паведаміў, што ўкраінскія пазіцыі падвяргаліся абстрэлу 60 разоў пасля ўступлення ў моц перамір’я.

Як адзначаюць ваенныя эксперты, папярэднія перамір’і нязменна трывалі правал, і што першыя 48 гадзін перамір’я (абвешчана з 00:00 15 лютага) маюць крытычна важнае значэнне.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
16.02.2015 У свеце| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты