Аргентынскія ўлады праслухоўвалі будучага Папу Францішка?

Папа і КішнэрБудучага Папу Рымскага Францішка ў бытнасць яго арцыбіскупам Буэнас-Айрэса праслухоўвалі аргентынскія ўлады. Пра гэта заявіў сябра гарадской рады і блізкі сябар пантыфіка Густава Вэра. “Калі я прыходзіў да яго, ён уключаў радыё, каб заглушыць нашыя галасы. Ён казааў мне: “Тут паўсюль мікрафоны. Сачы за тым, што кажаш, бо лінія праслухоўваецца”, – заявіў ён.

Паводле яго, праслухоўванне пачалося прынамсі з 2005 года, калі аргентынскія ўлады на чале з прэзідэнтам Нэстарам Кіршнэрам (зараз краінай кіруе яго жонка Крыстына Фэрнандэс Кіршнэр) вырашылі дэкрыміналізаваць аборты. Тады з аргентынскага войска быў звольнены апошні вайсковы капелан Антоніё Басэота, распачалася кампанія шальмавання ў СМІ будучага Папы Хорхэ Бэргольё, а кіраўніцтва краіны перастала наведваць урачыстыя Імшы на дзень Незалежнасці ў катэдры Буэнас-Айрэса, паведамляе The DailyBeast.

Ватыкан заявы Густава Вэры не каментуе.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
17.02.2015 У свеце| Тэгі: , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты