Экстрэмісты з «Ісламскай дзяржавы» гандлююць чалавечымі органамі

1409

Прадстаўнік Ірака ў ААН папрасіў Раду бяспекі арганізацыі разгледзець інфармацыю аб тым, што экстрэмісты з «Ісламскай дзяржавы» незаконна здабываюць органы людзей і ад гандлю імі атрымліваюць сродкі на тэрарыстычную дзейнасць, перадае інфармацыйнае агенцтва АР.

Як паведаміў Махамед Аль-Хакім, за некалькіх мінулых тыдняў было знойдзена шмат целаў людзей з хірургічнымі разрэзамі, у якіх не было нырак ці іншых органаў. Таксама часткі целаў выяўленыя ў брацкіх магілах.

Прадстаўнік Ірака запрасіў прыехаць і даследаваць наяўныя целы.

Ён таксама сказаў, што 12 лекараў былі пакараныя ў Масуле за адмову ўдзельнічаць у незаконных аперацыях па выманні органаў людзей.

Прадстаўнік Ірака ў ААН абвінаваціў «Ісламскую дзяржаву» ў злачынным генацыдзе ў дачыненні да пэўных этнічных і рэлігійных груп.

У сваю чаргу пасланнік ААН у Іраку Мікалай Младэнаў паведаміў, што каля 790 чалавек забітыя ў Іраку толькі ў студзені 2015 года. Ён таксама адзначыў рост колькасці паведамленняў аб тым, што баявікі «Ісламскай дзяржавы» за кошт незаконнага гандлю чалавечымі органамі фінансуюць тэрарыстычную дзейнасць.

Па матэрыялах sedmitza.ru

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
19.02.2015 У свеце| Тэгі: , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты