«Эстафета-70» перададзеная памежнікам Расіі

est70Міжнародную «Эстафету-70″, прысвечаную 70-годдзю Перамогі ў Вялікай Айчыннай вайне 18 лютага ў Смаргонскай памежнай групы прыняў Полацкі пагранічны атрад. Ва ўрачыстай цырымоніі на плошчы Свабоды ў Полацку прыняў удзел пратаіерэй Аляксандр Шаховіч, кіраўнік аддзела па ўзаемадзеянні з узброенымі сіламі і праваахоўнымі органамі праваслаўнай Полацкай епархіі.

Святар звярнуўся да прысутных удзельнікаў перадачы эстафеты з прывітальным словам, а затым адслужыў памінальную літыю па загінулых падчас воінах, паведамляе eparhia992.by.

У гэты ж дзень на Кургане Дружбы на стыку межаў Беларусі, Расіі і Латвіі ў Верхнядзвінскім раёне эстафета «Перамога-70» была перададзеная прадстаўнікам памежнай службы ФСБ Расіі. Сімвал эстафеты Перамогі — кубак з надпісам «Перамога-70» — з рук намесніка старшыні Дзяржпагранкамітэта Беларусі генерал-маёра Уладзіміра Майсеенкі прыняў начальнік Памежнага кіравання ФСБ Расіі па Пскоўскай вобласці генерал-маёр Аляксандр Мурзін. На Кургане Дружбы а. Аляксандр таксама адслужыў памінальную літыю.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі