Хрысціянскія журналісты адзначылі сваю першую гадавіну

гадавіна схжб 1Грамадзянская ініцыятыва Супольнасць хрысціянскіх журналістаў 25 лютага адзначыла сваю першую гадавіну пашыраным паседжаннем. Падчас яго каардынатар супольнасці распавялі пра вынікі дзейнасці за год і планы на бліжэйшую будучыню.

Гэтак, было адзначана правядзенне сябрамі супольнасці конкурсу “Жыццё пад сэрцам” у абарону жыцця, адукацыйных сустрэч для журналістаў, блогераў і супрацоўнікаў царкоўных СМІ ў Мінску і буйных гарадах, стварэнне суполкі ў Facebook “Евангельскія хрысціяне Беларусі”, і, перадусім, стварэнне хрысціянскага інфармацыйнага парталу КРЫНІЦА.INFO. Таксама былі акрэсленыя планы далейшай дзейнасці супольнасці і развіцця парталу.

Некаторыя з удзельнікаў сустрэчы, якія раней не ўдзельнічалі ў паседжаннях супольнасці, адзначылі, што з’яўленне хрысціянскага міжканфесійнага парталу стала сапраўдным прарывам для Беларусі.

Акрамя таго, падчас паседжання яго ўдзельнікі, якія таксама з’яўляюцца сябрамі Беларускай асацыяцыі журналістаў, правялі сход, на якім абралі дэлегата на з’езд БАЖ у красавіку гэтага года. Ім стаў каардынатар супольнасці Максім Гацак.

Перад заканчэннем хрысціянскія журналісты далучыліся да міжканфесійнай грамадскай кампаніі “Народная Біблія”, мэта якой заключаецца ў тым, каб да 500-годдзя першай друкаванай беларускай Бібліі, якое будзе святкавацца ў 2017 годзе, стварыць рукапісную Біблію, да перапісу якой маюць далучыцца больш за 1000 беларусаў.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
26.02.2015 Навіны Супольнасці| Тэгі: , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты