Хрысціяне Сірыі: баявікі «Ісламскай дзяржавы» выкралі каля 400 чалавек

islamistsКіраўніцтва Ваеннай рады асірыйцаў – хрысціянскага апалчэння, якое разам з курдамі бароніцца супраць агрэсіі “Ісламскай дзяржавы” у Сірыі – абвергла дадзеныя аб тым, што ісламістамі выкрадзена каля 90 чалавек. Па дадзеных хрысціянскіх ваенных, баевікамі “ІГ” захоплена ад 350 да 400 мірных жыхароў, частка якіх ужо пакараная.

Па дадзеных кіраўніцтва Ваеннага савета асірыйцаў, у панядзелак на паўночным усходзе Сірыі каля 200, а не 90 чалавек, як падавалася раней, былі захопленыя ісламістам, што напалі на вёскі каля горада Тал Тамр ў правінцыі Хасеке. Большасць з захопленых – жанчыны, дзеці і старыя. У гэты ж дзень быў здзейснены напад на 12 вёсак уздоўж паўднёвага берага ракі Хабур, паведамляе bbc.co.uk.

Праваабаронцы мяркуюць, што ў планы ісламістаў можа ўваходзіць абмен асірыйскіх сялянаў на баевікоў “ІГ”, захопленых курдамі падчас баёў, што вядуцца пры паветранай падтрымцы антыісламісцкай кааліцыі. Асірыйскі ваенны савет мае прыкладна чатыры сотні байцоў у гэтай мясцовасці, таксама на працягу апошняга тыдня каля паўтары тысячы байцоў ўлілося ў шэрагі курдскага апалчэння.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі