Анархісты правялі вулічную акцыю салідарнасці з Мікалаем Дзядком

KadrУвечары 27 лютага мінскія анархісты перакрылі адну з сталічных вуліц, расцягнуўшы на праезнай частцы банер «Свабоду анархісту Мікалаю Дзядку».

Адначасова ўдзельнікі акцыі палілі фаеры і скандавалі «Свабоду Мікалаю Дзядку». Акцыя салідарнасці стала рэакцыяй на выненесенне новага прысуду “вязню сумлення” анархісту Мікалаю Дзядку, які знаходзіцца за кратамі, паведамляе revbel.org.

Суд над палітзняволеным Мікалаем Дзядком адбыўся 26 лютага ў магілёўскай турме № 4, дзе Мікалай правёў больш за 4 гады пасля таго, як быў арыштаваны па падзеях 19 снежня 2010 года. Праз некалькі дзён Мікалай павінен быў выйсці на свабоду, аднак суд падоўжыў тэрмін пазбаўлення волі на год, інкрымінаваўшы яму 16 эпізодаў парушэння турэмнага рэжыму.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі