У Беларусь з афіцыйным візітам прыбудзе дзяржсакратар Ватыкана

parolin-cardinale

З 12 па 15 сакавіка  з афіцыйным візітам па запрашэнні беларускіх уладаў Беларусь наведае кардынал П’етра Паралін, Дзяржаўны сакратар Ватыкана.

Дзяржаўны Сакратар сустрэнецца з прэзідэнтам Беларусі, Мітрапалітам Мінскім і Заслаўскім Паўлам, Патрыяршым Экзархам усяе Беларусі, членамі Канферэнцыі каталіцкіх біскупаў Беларусі, каталіцкай моладдзю і вернікамі краіны, асвяціць першы камень новага будынка Апостальскай Нунцыятуры ў Мінску, паведамляе catholic.by.

Ушаноўваючы пакутніцкую гісторыю Беларусі і раздзяляючы яе надзеі на будычыню, Пантыфік высока ацэньвае тое, што Беларусь стала месцам сустрэчы і дыялогу бакоў, уцягнутых у драматычны канфлікт, які сатрасае рэгіён. Апостальская Нунцыятура ў Беларусі выказвае ўдзячнасць Папу Францішку за гэтую зычлівую ініцыятыву і заклікае католікаў краіны маліцца аб паспяховым выніку візіту.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі