Нарвежскі палітык: у хрысціян ёсць пакліканне змяняць свет

IMAG2325

Марыэ Юнэс Брэке (Marie Ljones Brekke) – малады палітык, намеснік дэпутатаў у парламенце Нарвегіі ад Ругалана ад Хрысціянска-дэмакратычнай партыі (KrF).

Паводле прафесіі яна выкладчык матэматыкі, зараз знаходзіцца ў дэкрэтным адпачынку, яе сыну дзесяць месяцаў. Вырасла ў пяцідзесятніцкай хрысціянскай сям’і. Бацькі навучылі галасаваць на выбарах за хрысціянскую партыю, бо яна падтрымлівае біблейскія каштоўнасці. Жыла пэўны час у ЗША, там вывучала паліталогію. Навучылася адстойваць свае хрысціянскія погляды. Карэспандэнт Крыніцы.info  запытала аб яе грамадскім жыці.

– Як  пастар ставіцца да таго, што вы актыўна займаецеся палітыкай?

Мой пастар ставіцца станоўча. Ён з’яўляецца маім цесцем. Ён і раней, калі я яшчэ не сустракалася з яго сынам, падтрымліваў маю актыўнасць ў партыі.

– Муж таксама палітыкай займаецца?

Муж працуе інжынерам у нафтавай вытворчасці. На выбарах заўсёды галасуе за KrF. І падтрымлівае мяне маральна. Ён больш удзельнічае непасрэдна ў царкоўным служэнні. А я выдзяляю суботу для агульных евангелізацый.

– Які асноўны матыў быў займацца палітыкай?

Я заўжды натхнялася верай, асабліва цытатай з Ветхага Запавету, дзе напісана, што Гасподзь засумаваў, бо не было прамаўляючага праўду. Ніхто не ходзіць прамымі шляхамі.

Ісая гл.59, вр.14-16: «І суд адступіў назад, і праўда стала здалёку, бо ісціна спатыкнулася на плошчы, а сумленнасць не можа ўвайсці. І не стала ісціны, і той, хто бяжыць ад зла, падпадае пад знявагу. І Гасподзь убачыў гэта, і агідна было вачам Яго, што няма суду. І бачыў, што няма чалавека, і здзіўляўся, што няма заступніка; і дапамагла Яму сіла Яго, і праўда Ягоная падтрымала Яго».

Гэтыя словы натхнілі мяне быць актыўнай і удзельнічаць у  палітычным жыцці. Лічу, што ў хрысціян ёсць пакліканне змяняць свет.

Шмат розных рэчаў мы робім у партыі,  пра якія напісана ў Бібліі, але не называем гэта, не цытуем. Гэта і абарона жыцця,  абарона сям’і,  дапамога бедным. Аб усіх гэтых справах напісана ў Бібліі, і гэта мы можам рабіць у межах партыі.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
04.03.2015 Інтэрв'ю| Тэгі: , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты