У Жодзіне пад выглядам свініны прадаюць мяса сабак

pesЖыхары Жодзіна звярнуліся ў гарадскую ветэрынарную станцыю, каб праверыць падазронае мяса, набытае на вулічных гандлёвых кропках. Ветлекары пацвердзілі – пад выглядам свініны было набытае мяса сабакаў.

Начальнік Жодзінскай гарадской ветэрынарнай станцыі Аляксандр Клешчанок падцвердзіў, што ў горадзе зафіксаваныя выпадкі продажу мяса сабак пад выглядам свініны – за апошні час такое мяса на экспертызу прынеслі 5 чалавек. Па словах людзей, якія звярнуліся ў ветстанцыю, мяса прадае мужчына, прадстаўляючыся работнікам мясакамбіната, якому зарплату выдаюць не грашыма, а натурпрадуктам. Ён гандлюе «адборным мясам» па нізкім кошце недалёка ад гарадскога рынку або аўтастанцыі. Людзі, паквапіўшыся на таннасць, набываюць такое мяса, але калі пачынаюць гатаваць з яго звыклыя стравы, іх насцярожвае спецыфічны пах і густ. Колькі ўсяго пакупнікоў сабачыны – невядома, магчыма, некаторыя проста выкідаюць мяса, вырашыўшы, што яно нясвежае, паведамляе ex-press.by.

Як паведаміў адвакат Мінскай абласной калегіі адвакатаў Уладзімір Шапашнікаў, мужчыну, які гандлюе сабачынай, акрамя буйнога штрафу за парушэнне санітарна-ветэрынарных патрабаванняў, пагражае яшчэ і пазбаўленне волі – за жорсткае абыходжанне з жывёламі згодна з артыкулам 339-1 Крымінальнага кодэкса Беларусі «Аб жорсткім абыходжанні з жывёламі», які ўступіў ў моц 27 студзеня.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі