Раніцай пятніцы кардынал Паралін сустрэнецца з кіраўніком МЗС Беларусі

Vatican's newly appointed secretary of state gestures during an interview in VenezuelaРаніцай 13 сакавіка адбудзецца сустрэча міністра замежных спраў Беларусі Уладзіміра Макея з дзяржаўным сакратаром Ватыкана кардыналам П’етрам Паралінам. Пра гэта паведамілі ў МЗС Беларусі.

Увечары таго ж дня кардынал прыме ўдзел у асвячэнні будынка Апостальскай нунцыятуры ў Мінску, які будуецца.

Таксама ў яго запланаваныя сустрэчы з прэзідэнтам Беларусі, Мітрапалітам Мінскім і Заслаўскім Паўлам, Патрыяршым Экзархам усяе Беларусі, членамі Канферэнцыі каталіцкіх біскупаў Беларусі.

Увечары 14 сакавіка кардынал далучыцца да міждыяцэзіяльнага начнога чування моладзі ў мінскім касцёле святога Сымона і Алены, а ў апошні дзень свайго візіту ў Беларусь – 15 сакавіка – у 10:00 ён будзе служыць Імшу ў мінскай архікатэдры. Відэатрансляцыю богаслужбы будзе весці партал Catholic.by.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі