Мітрапаліт Павел абмеркаваў з дзяржсакратаром Ватыкана пытанне захавання духоўных каштоўнасцей

metropoДзяржаўны сакратар Ватыкана кардынал П’етра Паралін сустрэўся 13 сакавіка з Патрыяршым Экзархам усяе Беларусі, мітрапалітам Мінскім і Заслаўскім Паўлам.

Галоўнай тэмай сустрэчы, якая адбылася ў Мінскім епархіяльным упраўленні, стала пытанне захавання духоўных каштоўнасцей.

Мітрапаліт Павел, у прыватнасці, адзначыў, што пытанне захавання духоўна-маральных каштоўнасцяў, безумоўна, хвалюе кожнага, піша БелТА.

Абмяркоўваючы перспектывы праваслаўна-каталіцкага дыялогу, бакі ўспаміналі праваслаўна-каталіцкі форум, які прайшоў у 2014 годзе.

Мітрапаліт дадаў, што таксама было згадана, якія словы прэзідэнт Беларусі Аляксандр Лукашэнка сказаў перад пачаткам форуму ў мінулым годзе. Кіраўнік дзяржавы, у прыватнасці, заяўляў, што трэба рабіць усё неабходнае для захавання духоўна-маральных каштоўнасцяў.

У час сустрэчы было адзначана, што Беларусь – яскравы прыклад мірнага суіснавання розных канфесій. Праваслаўная і Каталіцкая Цэрквы тут робяць усё магчымае для захавання міжканфесійнага міру.

Дзяржаўны сакратар Ватыкана перадаў Патрыяршаму Экзарху ўсяе Беларусі прывітанне Папы Рымскага Францыска, а таксама папрасіў перадаць прывітанне Пантыфіка Патрыярху Маскоўскаму і ўсяе Русі Кірылу, паведамляе church.by.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі