У Наваполацку праваслаўныя дзеці танцавалі «Вальс анёлаў»

detiУ Докшыцкай раённай дзіцячай бібліятэцы 12 сакавіка прайшла школьная чытацкая сустрэча “Святло праваслаўя – святло душы”, у якой узяў удзел настаяцель храма Пакрова Прасвятой Багародзіцы пратаіерэй Георгій Мялешка.

На сустрэчу з дзецьмі бацюшка прынёс старадаўнія богаслужбовыя кнігі. Бібліятэкары падрыхтавалі відэапрэзентацыю аб дзіцячай праваслаўнай літаратуры і выставу кніг «Сэрцу карыснае слова», паведамляе eparhia992.by.

11 сакавіка ў Наваполацкай СШ № 14 адбылася літаратурна-музычная сустрэча «Святы Хрысціцель Русі» для малодшых школьнікаў з удзелам настаяцеля праваслаўнага храма святога Архангела Міхаіла пратаіерэя Аляксандра Шаховіча.

У звернутым да малых пастырскім слове а. Аляксандр нагадаў гісторыю зараджэння хрысціянства на Полацкай зямлі, потым прыходскі бібліятэкар Вольга Бакуновіч прадставіла прэзентацыю слайдаў аб жыцці князя Уладзіміра і княгіні Вольгі, дзеці выконвалі вершы і песні пра праваслаўных святых, асабліва парадаваў гледачоў харэаграфічны нумар “Вальс анёлаў”. Удзел узяла таксама бард Людміла Мяхедка.

У пасёлку Наваельня пад Дзятлавам 12 сакавіка настаяцель храма Нараджэння Найсвяцейшай Багародзіцы пратаіерэй Валерый Мануйла правёў ўрок «Біблія – ​​Cвятло душы» ў Таркачоўскай сярэдняй школе. У гэты ж дзень настаяцель храма Архангела Міхаіла сяла Цырын пратаіерэй Алег Сушко прыйшоў да першакласнікаў Варанчанскай школы-садка, дзе ўручыў малышам абразкі, каляровыя алоўкі і размалёўкі, а таксама праверыў уменне дзяцей хрысціцца, паведамляе eparhia.by.

У гэты ж дзень настаяцель Кіраўскага храма Пакрова Прасвятой Багародзіцы іерэй Дзімітрый Первій прыняў за чаяваннем навучэнцаў 6 “Б” гарадской СШ № 1 і ўручыў ім буклеты пра храм, паведамляе bobruisk.hram.by.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі