Карбалевіч: бліжэйшым часам Папа ў Беларусь наўрадці прыедзе

ФранцішакУ Беларусі вялікая каталіцкая абшчына, якую дагэтуль не наведаў ніводны Папа Рымскі, хаця рымскія Пантыфікі нават наведваюць краіны, дзе меншая каталіцкая абшчына. Галоўная прычына гэтага – канфлікт Каталіцкага Касцёла з Рускай Праваслаўнай Царквой, мяркуе беларускі палітолаг Валер Карбалевіч.

“Расейскі патрыярх лічыць Беларусь кананічнай тэрыторыяй праваслаўя. Без згоды патрыярха Кірыла такі візіт адбыцца не можа. І Ватыкан не хоча праблемаў, і беларускія ўлады не хочуць канфлікту з кіраўніцтвам РПЦ”, – адзначыў ён, паведамляе “Белсат”.

Пагоршыў дачыненні паміж Каталіцкім Касцёлам і РПЦ і ўкраінскі крызіс, мяркуе палітолаг. “Таму я з цяжкасцю ўяўляю, што кіраўніцтва Рускай Праваслаўнай Царквы дасць такі дазвол. Канфлікт даволі востры, вырашаецца ўжо некалькі дзесяцігоддзяў, і я пакуль не бачу яго вырашэння. Таму бліжэйшым часам верагоднасць візіту Папы не вельмі вялікая”, – заявіў Валер Карбалевіч.

Разам з тым ён не выключае верагоднасці візіту ў Ватыкан прэзідэнта Беларусі Аляксандра Лукашэнкі, які тым не менш можа быць ускладнены неўязным статусам кіраўніка дзяржавы ў краіны ЕС.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі