У Іспаніі прайшла шматтысячная дэманстрацыя супраць абортаў

аборт-280x186У Мадрыдзе 14 сакавіка тысячы людзей з розных куткоў Іспаніі прынялі ўдзел у маштабным маршы ў абарону жыцця, жанчыны і мацярынства.

Удзельнікі акцыі патрабавалі ад уладаў зрабіць больш жорсткім заканадаўства ў галіне абортаў. Яны нагадалі аб абяцаннi кіруючай «Народнай партыі» прыняць новы закон, якi абмяжуе магчымасці зрабіць аборт.

Увосень 2014 года прэм’ер-міністр Іспаніі Марыяна Рахой заявіў аб адмове ўрада прыняць жорсткі закон пра аборт. Два гады ў краіне распрацоўваўся дакумент, які дазваляе аборт толькі ў выпадку згвалтавання або сур’ёзнага рызыкі здароўю маці. Адзін з яго лабістаў – міністр юстыцыі Альберта Руіс-Гальярдон – падаў у адстаўку.

«Народная партыя» паабяцала толькі ўнесці ў заканадаўства забарону дзяўчыне, малодшай 16 гадоў, зрабіць аборт без дазволу бацькоў, але і гэта не было прынята парламентам.

Марш прайшоў па цэнтры іспанскай сталіцы. У канцы акцыі ўдзельнікі ўшанавалі хвілінай маўчання памяць ўсіх дзяцей, хто не нарадзіўся.

Усяго ў Іспаніі штогод робяць каля 100 тыс. абортаў.

Па матэрыялах sedmitza.ru

 

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
17.03.2015 У свеце| Тэгі: , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты