“Крынічка”. Сшытак у клетачку – Аб адным зярняці

patron“Крынічка” працягвае публікацыю сусветнай хрысціянскай класікі. Спецыяльна для дзетак – апавяданні каталіцкага святара-пісьменніка – Яна Твардоўскага.

Яго творы ўжо папулярныя ў многіх краінах свету і перакладзеныя на 15 моваў, у тым ліку і на беларускую. Яго імя нададзена больш чым 200 школам Польшчы. А сярод шматлікіх узнагарод святар найбольш цаніў званне Кавалера Ордэну Ўсмешкі – міжнароднай ўзнагароды, якая ўручаецца за дзеянні, якія прыносяць дзецям радасць.

Ксёндз Ян пісаў і вершы, і прозу: светла і проста аб веры і Госпадзе, так каб было зразумела нават самым маленькім. Яго апавяданні для ўсёй сям’і: для чытання разам, для разважання і для радасці. Яны напоўненыя бесклапотным гумарам, яны добрыя і шчырыя як дзеці, якіх ксёндз Ян вельмі любіў. Яны кажуць, што Госпад гэта добры сябар і пазнаёміцца з Ім трэба яшчэ ў дзяцінстве.

Аб адным зярняці

Адна дзяўчынка, якая ўвесь час жыла ў Радаме, упершыню прыехала ў Варшаву, каб наведаць заапарк.

– Што табе спадабалася ў гэтым заапарку? – спытаў тата, калі яна вярнулася і піла гарбату з малаком.

Дзяўчынка не ведала, што адказаць, таму тата пачаў падказваць:

– Можа, белы палярны мядзьведзь з выцягнутым ілбом і маленькімі вушамі, з поўсцю на падэшвах, каб не паслізнуцца на лёдзе?

– Можа, слон, які здаецца голым, хоць на самай справе голыя ў яго толькі падэшвы?

– Можа, кенгуру з торбай на пузе?

39621– Усё гэта я ведала, – адказала дзяўчынка, – але больш за ўсё мне спадабаўся маленькі шэры верабей з чорным горлам і белай плямкай пад вокам, які скакаў па сцежцы ў заапарку.

Гэтая дзяўчынка ўзгадалася мне, калі я чытаў, што Пан Езус гаварыў не толькі аб анёлах і аблоках, але і аб адным малым зярняці. Ён гаварыў не толькі аб святыні ў  Ерузалеме, але і аб матулі, якая замешвае цеста, трымаючы драўляную лыжку ў руцэ.

Бо што гэта было б, калі б нехта ўзіраўся ў высокія зоркі, але не хацеў есці яечні?

Бо што было б, калі б нехта хацеў паляцець на неба, але не паклаў бы нажнічак на сваё месца?

Пераклад Вольгі Севярынец

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
18.03.2015 Без рубрики| Тэгі: , , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты