У Зэльве пры храме будзе ландшафтна-паркавая зона

zelvaПрыхаджане праваслаўнага храма Святой Жывадайнай Тройцы ў Зэльве завяршаюць стварэнне ландшафтна-паркавай зоны пры святыне. 16 сакавіка пачаліся фінішныя працы ў рамках экалагічнага праекта, мэта якога – стварэнне пры прыходзе дэманстрацыйнай паказальнай базы.

Больш за сорак чалавек падключыліся да высаджвання кедравай прысады і дэндрарыя, усталяванню мармуровага разьбянога крыжа з паўрэльефным распяццем, парадкаванню дзіцячай гульнявой пляцоўкі. Па заканчэнні праекта ён будзе прэзентавацца на епархіяльным узроўні, паведамляе orthos.org.

Епіскап Гомельскі і Жлобінскі Стэфан ў суправаджэнні кіраўніка аддзела па архітэктуры і будаўніцтву Гомельскай епархіі пратаіерэя Георгія Тура 17 сакавіка наведаў будаўнічыя пляцоўкі Добрушскага благачыння. Уладыка Стэфан праінспектаваў вядзенне рэстаўрацыйных працаў у Свята-Іаана-Кармянскім жаночым манастыры ў Карме, будаўніцтва храма Алега Бранскага ў Добрушы і храма Успення Найсвяцейшай Багародзіцы ў вёсцы Жгунь, а таксама наведаў храм свяціцеля Мікалая Цудатворца ў вёсцы Насовічы, дзе гостра стаіць пытанне хутчэйшага пераадолення наступстваў пажару і аднаўлення паўнавартаснага прыходскага і літургічнага жыцця, паведамляе eparhiya.by.

Работнікі дапаможнай гаспадаркі Свята-Успенскага Жыровіцкага манастыра сабраліся 15 сакавіка на Літургію ў храме Нараджэння Найсвяцейшай Багародзіцы ў вёсцы Міжэвічы, – некаторы час таму такія сходы на малітве ў Вялікім посце сталі ў калектыве традыцыйнымі, паведамляе eparhia.by.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі