У Вільні памяць Кастуся Каліноўскага ўшанавалі ганаровай вартай і набажэнствам

kalinouski1Памяць Кастуся Каліноўскага ўшанавалі ў Вільні 22 сакавіка, у гадавіну яго пакарання смерцю ў 1863 годзе. Ля памятнага крыжа была выстаўлена ганаровая варта, адслужана памінальная імша і ўскладзены кветкі. Каліноўскі быў павешаны як адзін з кіраўнікоў антырасейскага паўстання ў часы Расійскай Імперыі на тэрыторыі цяперашніх Літвы і Беларусі.

Як перадае delfi.lt, мерапрыемствы ў памяць ушанаванага ў Беларусі і Літве змагара за свабоду пачаліся ў 12-й гадзіне каля мемарыяльнай дошкі Кастуся Каліноўскага на вул. св.Игната, 11 у Вільні, дзе выступілі палітычныя і грамадзянскія дзеячы. Затым адбылося шэсце да месца на Лукішкскай плошчы, дзе царскімі войскамі быў пакараны палітык. Каля Крыжа памяці Каліноўскага адбыліся жалобны мітынг і ўскладанне кветак. Затым каталіцкія святары правялі памінальнае набажэнства. У 13:00 Міністэрства абароны Літвы выставіла ганаровую варту каля Крыжа.

Арганізатарамі акцыі памяці выступілі Таварыства беларускай культуры ў Літве, Беларуская Нацыянальная памяць, Асацыяцыя “Крывія”, Віленскае Беларускае таварыства палітычных вязняў і ссыльных сумесна з Міністэрствам абароны Літоўскай Рэспублікі і Віленскай мэрыяй.

kalinouski2Кастусь Каліноўскі вядомы як адзін з лідэраў паўстання, якое ўспыхнула ў 1863 годзе ў часы Расійскай Імперыі на тэрыторыі цяперашніх Літвы і Беларусі. Ва ўмовах жорсткага процідзеяння урадавых сіл, Кастусь Каліноўскі кіраваў паўстанцамі, знаходзячыся ў падполлі, аж да свайго арышту ў канцы студзеня 1864. З турмы Каліноўскі звяртаўся да народа з «Пісьмамі з-пад шыбеніцы», у якіх не прызнаваў расійскую ўлада сваёй для беларусаў і заклікаў беларускі народ ваяваць «за свайго Бога, за сваё права, … за сваю Радзіму”.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
23.03.2015 У свеце| Тэгі: , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты