У Лідзе пройдзе дыяцэзіяльная сустрэча лекараў-каталікоў

lekarСустрэча католікаў – лекараў і супрацоўнікаў дамоў сацыяльнай апекі Гродзенскай дыяцэзіі адбудзецца 11 красавіка ў касцёле Святой Сям’і ў Лідзе.

Ініцыятарам тэматычнай сустрэчы «Медыцынскія і духоўныя аспекты дэпрэсіі» выступіла гродзенскае Душпастырства аховы здароўя, узначаліць сустрэчу біскуп Гродзенскі Аляксандр Кашкевіч. Падчас сустрэчы адбудуцца канферэнцыя, Святая Імша, адарацыя Найсвяцейшага Сакрамэнта, сакрамэнт пакаяння, нефармальныя камунікаванні. Падрабязная праграма маецца на сайце catholic.by.

Сваё бачанне на праблему дэпрэсіі і хрысціянскія шляхі яе пераадолення выкладуць душпастыр Службы аховы здароўя кс. Мікалай Ціхановіч, кандыдат медыцынскіх навук, дацэнт, заг. кафедры псіхатэрапіі і наркалогіі Гродзенскага медыцынскага ўніверсітэта В. Карпюк, магістр псіхалагічных і педагагічных навук сястра Паўла Бобэр з Кангрэгацыі Сясцёр Місіянерак Святой Сям’і. Удзел прыме таксама дапаможны біскуп Мінска-Магілёўскай архідыяцэзіі Юрый Касабуцкі.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі