У Францыі прынялі закон аб “зялёных дахах”

geektimes-green-roof-2Новы закон, прыняты ў Францыі на мінулым тыдні, абавязвае ўладальнікаў нерухомасці ў камерцыйнай зоне пакрываць дахі будынкаў альбо раслінамі (так званыя «зялёныя дахi»), альбо сонечнымі панэлямі.

«Зялёныя дахi» забяспечваюць тэмпературную ізаляцыю, змяншаюць колькасць энергіі на абаграванне будынка зімой ці астуджэнне летам.

Таксама такi дах здымае праблему лішку дажджавой вады, якая сцякае з дахаў будынкаў у ліўневую каналізацыю. Птушкі могуць гнездавацца на дахах будынкаў. Такім чынам ствараецца падабенства гарадскіх джунгляў.

Законапраект прапанавалі прадстаўнікі прыродаахоўных арганізацый (у першапачатковым выглядзе ён абавязваў пакрываць усю плошчу даху будынка зялёнымі насаджэннямі).

Парламентарыі знізілі колькасць патрабаванняў да ўладальнікаў будынкаў, і ў прынятым законе ўладальніка камерцыйнай нерухомасці абавязваюць пакрыць толькі частку даху будынка зялёнымі насаджэннямі. Замест гэтага ўладальнік можа ўсталяваць сонечныя панэлі.

«Зялёныя дахi» распаўсюджаныя ў Германіі, Аўстраліі і некаторых гарадах Канады, а таксама ў Нарвегіі.

Па матэрыялах geektimes.ru

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі