Памёр прадстаяцель Асірыйскай Царквы Усходу

дынха26 сакавіка на 80-м годзе жыцця памёр Каталікос-Патрыярх Асірыйскай Царквы Усходу Мар Хнанья Дынха IV. Іерарх памёр у клініцы горада Рочэстар, штат Мінесота, у ЗША, паведамляе Асырыйская грамадская арганізацыя “Бнета”.

Мар Хнанья Дынха IV нарадзіўся ў 1935 годзе ў вёсцы Дарбендок (Ірак). У 1949 годзе быў пасвечаны ў дыякана, у 1957-м – ў святара і накіраваны на служэнне ў Іран. У 1962 годзе ў Тэгеране пасвечаны ў біскупа. Пасля ўзначаліў мітраполію Ірана і Тэгерана, якая пуставала з 1915 года, заснаваў духоўную семінарыю і выступіў у абарону асірыйскіх нацыянальных правоў і інтарэсаў.

Пасля забойства Патрыярха Асірыйскай Царквы Усходу Мар Ішаі Шымуна ў 1975 годзе абраны новым Патрыярхам. Інтранізацыя адбылася ў 1976 годзе ў Лондане. У сувязі з нестабільнасцю ў рэгіёне кафедра Патрыярха знаходзілася ў Чыкага (ЗША). Падтрымліваў цесныя адносіны з Каталіцкай, праваслаўнымі і ўсходнімі хрысціянскімі Цэрквамі. У 2006 годзе здзейсніў гістарычны візіт у Ірак.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі