Беларусаў запрашаюць сабраць «Велікодную скрыначку» дзяцям-інвалідам Слуцкага раёна

sluckПра пачатак дабрачыннай акцыі «Велікодная скрыначка» 26 сакавіка абвесціў Аддзел па царкоўнай дабрачыннасці і сацыяльным служэнні Слуцкай епархіі Беларускай Праваслаўнай Царквы. У межах акцыі будуць збірацца велікодныя падарункі для дзяцей-інвалідаў з сацыяльных устаноў Случчыны.

Каб прыняць удзел у зборы «Велікоднай скрыначкі», трэба звязаць або набыць дзіцячыя шкарпэтачкі, калготкі, ніжнюю бялізну, шапачкі, заколкі, гумачкі. Усё гэта трэба спакаваць у пасылку і выслаць на адрас 223610, г. Слуцк, вул. М. Багдановіча, 9 з паметкай: Слуцкая епархія, аддзел па царкоўнай дабрачыннасці і сацыяльным служэнні.

З ініцыятывай збору «Велікоднай скрыначкі» духавенства Слуцкай епархіі звярнулася да грамадскасці праз сацыяльныя сеткі vk.com і ok.ru.

Адначасова ва ўсіх праваслаўных храмах Слуцка з 23 сакавіка па 30 красавіка пройдзе дабрачынная акцыя «Велікодны падарунак». Удзельнікі могуць прынесці ў любы праваслаўны храм горада цацкі, прадметы асабістай гігіены, канцылярскія тавары, адзенне, абутак, прадукты харчавання, прысмакі, чай. Аддаць ахвяраванні можна ў свячны шапік, паведамляе sluck-eparchiya.by.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
27.03.2015 Абвесткі, Навіны цэркваў| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты