У Пальмовую нядзелю “Ісус” на асле ўехаў у Мінск (фотарэпартаж)

вербная нядзеля 22У Мінску ў Пальмовую нядзелю, 29 сакавіка, ля архікатэдральнага касцёла Найсвяцейшай Панны Марыі падчас святых Імшаў адбыліся традыцыйныя інсцэніраваныя працэсіі, якія ілюструюць уваход Госпада Ісуса Хрыста ў Ерусалім. Вернікаў сустрэлі вослік і апранутыя ў біблійных асобаў акторы.

Галоўную Імшу ў мінскай катэдры ўзначаліў Апостальскі Нунцый у Беларусі арцыбіскуп Клаўдыё Гуджэроцці, якому саслужыў мітрапаліт Мінска-Магілёўскі арцыбіскуп Тадэвуш Кандрусевіч.

У казанні пасланец Папы звярнуў увагу на парадаксальнасць чалавечага жыцця. “Яшчэ сёння людзі крычалі “Гасанна сыну Давіда”, а неўзабаве патрабавалі ўкрыжаваць яго”, –  адзначыў ён.

Узгадваючы шматлікія здрады, якія перажываў Ісус ад жыхароў Ерусаліму і сваіх паслядоўнікаў – перадусім апосталаў Юды і Пятра, Клаўдыё Гуджэроцці падкрэсліў, што сваімі грахамі кожны з нас таксама здраджвае Хрысту, і пажадаў вернікам усвядоміць, што такое грэх і здрады, каб не дапускаць іх у сваім жыцці.

На заканчэнне Святой Імшы арцыбіскуп Тадэвуш Кандрусевіч выказаў радасць ад вялікай колькасці людзей у касцёле, заклікаўшы тых, хто бывае ў храме толькі на святы, часцей бываць на Літургіі, прынамсі кожную нядзелю.

Фота Надзеі Гацак

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
29.03.2015 Грамадства, Фотарэпартаж| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты