Губернатар Індыяны хоча змяніць закон аб рэлігіі

Губернатор Индианы: в новом законе нет ничего дискриминационного. Фото с сайта bbc.co.uk
Губернатар Індыяны: у новым законе няма нічога  дыскрымінацыйнага. Фота с сайта bbc.co.uk

Губернатар штата Індыяна (ЗША) Майк Пенс хоча, каб заканадаўцы ўнеслі папраўкі ў нядаўна прыняты закон аб рэлігійных свабодах і патлумачылі свае намеры. Крытыкі закона лічаць, што яго лёгка выкарыстаць супраць гомасэксуалістаў і лесбіянак.

Губернатар кажа, што тлумачэнні заканадаўцаў дазволяць суняць хвалю крытыкі. Кіраўнік штата лічыць, што нязгодныя проста не зразумелі сэнс закона, аўтары якога цалкам не хацелі ўшчаміць ў правах каго-небудзь, перадае bbc.co.uk.

Майк Пенс падпісаў на мінулым тыдні закон, які пашырае правы вернікаў не дзейнічаць насуперак іх рэлігійным перакананням. Закон сярод іншага гарантуе прававую абарону ад дыскрымінацыйных пазоваў уладальнікам прыватных арганізацый і прадпрыемстваў, калі яны адмаўляюцца прадастаўляць паслугі, якія ідуць насуперак з іх рэлігіяй.

На практыцы гэта можа азначаць, што фларысты, фатографы і рэстаратары могуць, да прыкладу, адхіляць заказы па арганізацыі гей-вяселляў, не баючыся штрафаў. Аднаполыя шлюбы дазволены ў 36 штатах Амерыкі, сярод якіх і Індыяна.

У мінулым годзе губернатар Арызоны заблакаваў падобны законапраект, выкарыстаўшы права вета ў выніку ціску з боку такіх буйных амерыканскіх кампаній, як Apple і American Airlines. Кіраўнік Apple Цім Кук, які не хавае сваёй гомасэксуальнай арыентацыі, таксама падвергнуў закон Індыяны рэзкай крытыцы.

Але губернатар Індыяны адхіліў усякую крытыку, адзначыўшы, што ганарыцца прынятым законам. А ўсе асцярогі магчымага выкарыстання закона ў дыскрымінацыйных мэтах толькі  асцярогі.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі