У Польшчы беларускія і польскія дзеці паставілі спектакль па творах Міцкевіча

11063497_10152654300076433_6246993543767743106_n (1)

28 сакавіка ў Фестывальным бюро “Impart” у польскім горадзе Уроцлаў адбылася прэм’ера спектакля па творах Адама Міцкевіча. У ролі акцёраў выступілі беларускія і польскія школьнікі. Пад кіраўніцтвам прафесійных польскіх рэжысёраў дзеці на працягу тыдня падрыхтавалі пастаноўку, у аснову якой увайшлі байкі “Сябры”, “Жабкі і каралі”, “Ліса і казёл”. Спектакль быў на польскай і беларускай мовах.

20150328_165859

У вялікай зале не было свабодных месцаў. Напярэдадні па горадзе былі распаўсюджаны афішы з запрашэннем на прадстаўленне. Сярод гледачоў былі не толькі палякі, а і беларусы, якія ў гэты час знаходзіліся ва Уроцлаве. Гледачы цёпла прымалі юных артыстаў і не шкадавалі апладысментаў. Дарэчы будзе сказаць, што дзеці, якія ўдзельнічалі ў спектаклі, дагэтуль не займаліся і не цікавіліся тэатрам.

10625045_10152654298801433_2361437780227852684_nМясцовых жыхароў асабіста запрасілі на прэм’еру спектакля. Адзін  з месьцічаў Уроцлава не толькі прыйшоў на прадстаўленне, але і прынёс падарункі, якія перадаў праз дырэктара беларускім хлопчыкам і дзяўчынкам са словамі падзякі за цудоўнае выступленне.

Раней КРЫНІЦА паведамляла, што падчас вясенніх канікул група дзяцей і бацькоў з Беларусі гасціла ў польскіх сем’ях у рамках праграмы “Дзеці – разам”. Праграма прадугледжвала знаёмства дзяцей з жыццём, нацыянальнымі асаблівасцямі, традыцыямі сваіх аднагодкаў у суседняй краіне.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
03.04.2015 У свеце| Тэгі: ,




Блогі