Адлучаныя каталіцкія біскупы ствараюць новы рух

French Bishop Jean-Michel Faure gives holy communions during a mass in Nova FriburgoКаталіцкія біскупы Рычард Уільямсан і пасвячаны ім насуперак забароне Ватыкана Жан-Мішэль Фор абвясцілі пра намер стварыць рух каталіцкага супраціву.

Біскупы – былыя чальцы  традыцыяналісцкай Супольнасці святога Пія X, якая парвала з Ватыканам неўзабаве пасля II Ватыканскага сабора 1952 года, – абвясцілі, што ў бліжэйшы час імі будуць здзейсненыя новыя архірэйскія хіратоніі. Па словах Жана-Мішэля Фора, стаць біскупамі рыхтуюцца прынамсі два кандыдаты, паведамляе reuters.com.

Некаторы час таму біскуп Уільямсан, адзін з натхняльнікаў супольнасці каталікоў-традыцыяналістаў, парваў з Супольнасцю святога Пія X пасля таго, як намаганнямі Папы Бэнэдыкта XVI, а затым – Папы Францішка намеціліся крокі па яе збліжэнню з Ватыканам.

«Мы ідзём за Папамі Рымскімі мінулага, а не цяперашнімі», – пракаментаваў біскуп Фор стварэнне новай традыцыяналісцкай супольнасці.

Біскупы Уільямсан і Фор аўтаматычна падвергліся адлучэнню ад Касцёла за ўдзел у хіратоніі каталіцкага біскупа без дазволу Рымскага пасаду.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі