Законапраект аб ДПП унясуць у парламент на працягу 2-3 месяцаў

dchpПраект закона аб дзяржаўна-прыватным партнёрстве на працягу бліжэйшых двух-трох месяцаў чакаюць у парламенце для разгляду.

Законапраект зараз знаходзіцца на дапрацоўцы ў Міністэрстве эканомікі. Раней дакумент ужо быў ухвалены Саветам Міністраў. Наступны этап – падрыхтоўка праекта для вынясення на разгляд у Палату прадстаўнікоў. Пра гэта паведамляе БелТА са спасылкай на заяву старшыні Пастаяннай камісіі Палаты прадстаўнікоў Нацыянальнага сходу па эканамічнай палітыцы Віктара Валюшыцкага.

Па словах Віктара Валюшыцкага, у Беларусі да фарміравання сістэмы дзяржаўна-прыватнага партнёрства ідуць, але паслядоўна. Прыняцце праекта закона аб ДПП закладзена ў канцэпцыі дзейнасці ўрада на 2015 год, зацверджанай у нацыянальным парламенце, дадаў парламентарый.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі