Асвечаны куліч можна будзе набыць у краме

bobrУ Вялікі чацвер 9 красавіка благачынны Салігорскай  акругі праваслаўных цэркваў, настаяцель прыхода Нараджэння Хрыстова ў Салігорску пратаіерэй Мікалай Розаў асвяціў велікодныя кулічы ў гіпермаркете «Green».

«Нехта вырабам Вялікодных кулічоў займаецца дома, нехта купляе іх у краме. Але і тыя, і іншыя перад Светлым Хрыстовым Уваскрэсеннем трэба асвяціць у храме, – тлумачыць новаўвядзенне а. Мікалай. – На жаль, з-за розных прычынаў не ўсе могуць прыйсці ў царкву. Таму сёння адбываецца асвячэнне першай партыі толькі што прыгатаваных кулічоў», паведамляе sluck-eparchiya.by.

У Глуску 9 красавіка настаяцель Богаяўленскага храма пратаіерэй Міхаіл Лазоўскі асвяціў печы на гарадскім хлебазаводзе перад выпечкай велікодных кулічоў і звярнуўся з пропаведдзю да работнікаў хлебазавода.

8 красавіка благачынны Асіповіцкай акругі, настаяцель Увядзенскага храма пратаіерэй Васіль Сівец асвяціў велікодную прадукцыю на Асіповіцкім хлебазаводзе.

7 красавіка настаяцель Нікольскага храма ў вёсцы Варатынь і клірык манастыра Жанок Міраносіц у Бабруйску іерэй Валянцін Вайтусёнок асвяцілі велікодныя кулічы ў Бабруйскім філіяле ААТ “Булачных-кандытарская кампанія “Дамачай”, bobruisk.hram.by.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
10.04.2015 Навіны цэркваў| Тэгі: , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты