Грузінскі патрыярх выступіў супраць развіцця гульнявога бізнесу

Grusia_01Патрыярх усяе Грузіі Ілля II у агучаным 12 красавіка Велікодным пасланні перасцярог грузінскія свецкія ўлады і бізнес-грамадскасць ад папулярызацыі і пашырэння гульнявой індустрыі.

“Індустрыя гульняў вельмі небяспечная. Многія нашы суграмадзяне пацярпелі ад гульні, бо многія страцілі жытло, маёмасць і нават пакончылі з сабой” – гаворыцца ў пасланні, паведамляе interfax-religion.ru.

Заклікаючы ўрад звярнуць сур’ёзную ўвагу на гэтую праблему, Ілля II робіць акцэнт на шматлікіх выпадках самагубстваў і забойстваў у Грузіі, прычынай якіх патрыярх называе дэфармацыю каштоўнасцяў пад уздзеяннем атэістычнай мас-культуры, якую нясе з сабой тэхналагічны прагрэс.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі