Епіскап Антоній асвяціў новы храм пад Старымі Дарогамі

antoniЕпіскап Слуцкі і Салігорскі Антоній 19 красавіка асвяціў новы праваслаўны храм Перамянення Гасподняга ў аграгарадку Языль пад Старымі Дарогамі. Пасля чыну асвячэння ўладыка узначаліў Боскую літургію ў саслужэнні настаяцеля іерэя Георгія Скабея і клірыкаў Слуцкай, Віцебскай і Полацкай епархій.

На Літургіі прысутнічалі прадстаўнікі свецкай улады. Уладыка Антоній падзякаваў усім, хто працаваў на будаўніцтве і ўручыў ім узнагароды. У дар храму архіпастыр перадаў набор пакраўцоў і абраз святога Мікалая Цудатворца, паведамляе sluck-eparchiya.by.

У гэты ж дзень епіскап Гомельскі і Жлобінскі Стэфан аб’ехаў храмавыя будаўнічыя пляцоўкі Жлобіна, пракантраляваўшы працу па ўзвядзенні храмаў Іаана Воіна і Васіля Вялікага.

18 красавіка благачынны Светлагорскай акругі, настаяцель храма Пятра і Паўла пратаіерэй Уладзімір Сямёнаў асвяціў купалы і крыжы для будучага храма свяціцеля Мікалая Японскага ў аграгарадку Дуброва, паведамляе eparhiya.by.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі