Ландсбергіс лідзіруе на выбарах кіраўніка хрысціянскіх дэмакратаў Літвы

ландсбергісНа выбарах кіраўніка партыі «Саюз Айчына – Хрысціянскія дэмакраты Літвы» з вялікім адрывам перамагае Габрыэлюс Ландсбергіс.

33-гадовага ўнука першага лідара партыі ўжо павіншавала з перамогай яго асноўны канкурэнт Ірэна Дэгутэне, паведамляе літоўскае выданне Delfi.

Галасаванне скончылася ў нядзелю, аднак пакуль дакладна невядома, ці сапраўды Габрыэлюсу Ландсбергісу ўдасца атрымаць перамогу ў першым туры выбараў.

Галасы за кандыдатаў аддалі 9124 сябры партыі, пры гэтым актыўнасць перавысіла 50%.

За перамогу на выбарах паспаборнічалі шэсць кандыдатаў – Габрыэлюс Ландсбергіс, Ірэна Дэгутэне, Юргіс Разма, Эмануэліс Зінгерыс, Мантас Адоменас і Лайма Андрыкене.

Два першыя прэтэндэнты з гэтага спісу лічыліся найбольш перспектыўнымі. Паведамляецца таксама, што цяперашні старшыня партыі Андрус Кубілюс і яго прыхільнікі сімпатызавалі Габрыэлюсу Ландсбергісу.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі