Папа Рымскі: хрысціяне павінны асуджаць антысемітызм і быць салідарнымі з габрэйскім народам

OSSROM27590_Articolo

20 красавіка Папа Рымскі Францішак прыняў у Ватыкане дэлегацыю Канферэнцыі рабінаў Еўропы, сярод якіх – прэзідэнт Канферэнцыі рабінаў Еўропы, галоўны рабін Масквы Пінхас Гольдшміт, галоўныя рабіны Францыі, Рыма, Бельгіі, Германіі, Англіі.

На сустрэчы абмяркоўваліся існуючыя адносіны Расіі і Захаду, і меры, якія змогуць распачаць Рымска-Каталіцкая Царква і яўрэйскія абшчыны па паляпшэнні гэтай сітуацыі, паведамляе interfax-religion.ru.

Прадстаўнікі габрэйскай дэлегацыі пазнаёмілі пантыфіка з развіццём міжрэлігійнага дыялогу ў Расіі, абмеркавалі з ім абвастрэнне рэлігійнай абстаноўкі ў Еўропе, рост радыкальнага ісламу, тэракты ў дачыненні да габрэяў і сумесныя крокі па рашэнні гэтых праблем.

Пінхас Гольдшміт выказаў надзею, што “сумеснымі намаганнямі мы зможам адвесці пагрозу ісламскага радыкалізму, якая сёння навісла над усёй Еўропай. Мы таксама вельмі занепакоеныя лёсам еўрапейскіх габрэяў, многія з якіх пакідаюць свае дамы з-за гэтай пагрозы”, – адзначыў рабін.

У час сустрэчы папа Францішак выказаў спачуванні прысутным у сувязі са смерцю былога галоўнага рабіна Рыма Элія Тоафа, які шмат зрабіў для развіцця добрых адносін паміж хрысціянамі і юдэямі.

Асаблівую ўвагу пантыфік надаў важнасці мемарыяльных мерапрыемстваў у Еўропе, прысвечаных захаванню памяці пра Халакост, і выказаў салідарнасць з габрэйскім народам.

Францішак выказаў сваю заклапочанасць антысемітызмам і асобнымі актамі нянавісці і гвалту. Ён падкрэсліў, што кожны хрысціянін павінен рашуча асуджаць ўсе формы антысемітызму, паказваючы сваю салідарнасць з габрэйскім народам, паведамляе be.radiovaticana.va.

Папа Рымскі заклікаў не забываць, што “жыццё гэта дар ад Бога, і што мы павінны даверыцца Богу, верыць у Яго, пастаянна звяртацца да Яго”. І тут габрэі і хрысціяне маюць “дар і адказнасць уносіць свой уклад у захаванне рэлігійнага пачуцця сучаснага чалавека і нашага грамадства, сведчачы аб святасці Бога і чалавечага жыцця”.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
20.04.2015 У свеце| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты