У Слуцку і Кобрыне на Вялікдзень духавенства аб’ехала усе дамы састарэлых

ioannЕпіскап Брэсцкі і Кобрынскі Іаан 24 красавіка аб’ехаў брэсцкія дзіцячыя дамы сямейнага тыпу. Уладыку суправаджаў дзіцячы хор «Пяшчотны галасок» праваслаўнага Сімяонаўскага кафедральнага сабора.

У гэты ж дзень епіскап Іаан, дзіцячы хор, а таксама тэатральная трупа моладзевага брацтва Ааанасія Брэсцкага наведалі састарэлых людзей у Брэсцкім доме ветэранаў, паведамляе ekklisia.by.

У Велікодным тыдні сёстры міласэрнасці прыхода Аляксандра-Неўскага сабора ў Кобрыне арганізавалі велікодныя віншаванні для дзяцей з дзіцячых садкоў № 4, 7 і 20, Дзіцячага дома, школы-інтэрната для дзяцей з аслабленым слыхам і маўленнем, Цэнтра рэабілітацыі, а таксама адзінокіх састарэлых вернікаў. Аналагічныя акцыі правялі сястрынствы Петра-Паўлаўскага храма, Свята-Георгіеўскага, Свята-Увядзенскага і храма Нараджэння Хрыстова Кобрына.

Настаяцель Траецкага храма ў вёсцы Целядовічы пад Капылем пратаіерэй Генадзь Корнеў 23 красавіка наведаў бальніцу сястрынскага дагляду ў вёсцы Бабоўня, у гэты ж дзень актывісты праваслаўнага брацтва святых Пятра і Фяўронні Мурамскіх сабора Нараджэння Хрыстова ў Салігорску прыехалі ў сацыяльны прытулак, Цэнтр карэкцыйна-развіваючага навучання і рэабілітацыі, а таксама Цэнтр дзённага знаходжання маладых інвалідаў з падарункамі, сабранымі падчас акцыі «Велікодная кошык». Таксама падарункі былі адвезеныя калясачнікам і пацыентам дома састарэлых у Даўгава. Благачынны Нясвіжскай акругі пратаіерэй Аляксандр Данчанка і настаяцель Пакроўскай царквы вёскі Лань іерэй Васіль Кісель ў гэты дзень разам з прыходскім хорам прыехалі ў дом састарэлых у вёсцы Асмолава, паведамляе sluck-eparchiya.by.

22 красавіка выхаванцы і кіраўнікі нясвіжскага яслі-сада № 4 “Караблік дзяцінства» разам з кіраўніком місіянерскага аддзела Слуцкай епархіі дыяканам Паўлам Фокіным павіншавалі са святам Вялікадня выхаванцаў Нясвіжскага раённага цэнтра карэкцыйна-развіваючага навучання і рэабілітацыі

16 красавіка клірык клецкага храма Уваскрэсення Хрыстова іерэй Генадзь Белавус наведаў выхаванцаў Клецкага цэнтра развіцця і дзённага знаходжання дзяцей-інвалідаў, а 23 красавіак-дзіцячага сацыяльнага прытулку.

Настаяцель  храма Уваскрэсення Хрыстова ў аграгарадку Лукі пад Карэлічы іерэй Анатоль Шэлест разам з выхаванцамі нядзельнай школы 20 красавіка наведаў бальніцу сястрынскага догляду. Выхаванцы паказалі насельнікам бальніцы канцэртную праграму, святар ўручыў усім прысмакі і абразкі, паведамляе eparhia.by.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
25.04.2015 Навіны цэркваў| Тэгі: , , , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты