У Мінску прайшла акцыя “Чарнобыльскі шлях” (фотарэпартаж)

чарнобыльскі шлях 18У Мінску 26 красавіка ў 29-гадавіну аварыі на Чарнобыльскай АЭС прайшла традыцыйная акцыя дэмакратычных сіл “Чарнобыльскі шлях”. Яе ўдзельнікі прайшлі ад кінатэатра “Кастрычнік” па вуліцы Сурганава да царквы ў гонар іконы Божай Маці “Спагнанне загінулых”, размешчанай побач з паркам Дружбы народаў.

Праваабаронцы налічылі каля 500 удзельнікаў акцыі, з якіх каля 450 дайшлі да канчатковай кропкі шэсця. Таксама яны зафіксавалі каля 35 міліцыянтаў у цывільным, па дзесяць супрацоўнікаў ДАІ і АМАП.

Удзельнікі шэсця неслі плакаты з надпісамі “Свабоду Кірылу Сілівончыку”, “Астравец – Другі Чарнобыль”, “Спыніць Палітычны Чарнобыль – вызваліць Міколу Статкевіча”, “Не – расейскай ядзернай пагрозе”, «Чарнобыль – наш боль», «Дзе Расейская імперыя – там Чарнобыль і Данбас” і іншыя, бел-чырвона-белыя сцягі і сцягі розных апазіцыйных арганізацый.

З палітыкаў у акцыі ўдзельнічалі сустаршыні аргкамітэта па стварэнні партыі “Беларуская хрысціянская дэмакратыя» Павал Севярынец і Віталь Рымашэўскі, намеснікі старшыні руху “За свабоду” Юрась Губарэвіч і Алесь Лагвінец, лідар Партыі БНФ Аляксей Янукевіч, намеснік старшыні Беларускай партыі “Зялёныя” Дзмітрый Кучук, намеснік старшыні “Маладога фронту” Эдуард Лобаў, Ілля Дабратвор, Уладзімір Някляеў і іншыя.

Каля царквы ў гонар іконы Божай Маці “Спагнанне загінулых” удзельнікі акцыі ўшанавалі памяць ахвяраў Чарнобыльскай катастрофы хвілінай маўчання, запалілі свечкі і прынялі рэзалюцыю з патрабаваннем спыніць будаўніцтва астравецкай АЭС; раскрыць інфармацыю аб наступствах Чарнобыля ў Беларусі; вывесці з тэрыторыі Беларусі расійскія ўдарныя самалёты, здольныя несці на борце ядзерную зброю; даць магчымасць грамадзянам вырашаць, якімі будуць іх навакольнае асяроддзе, горад і краіна.

Праваабаронцы паведамляюць пра затрыманні Віктара Шапуцькі, які неўзабаве быў вызвалены, і Віталя Каліноўскага.

Фота Надзеі Гацак

 

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
26.04.2015 Беларусь, Фотарэпартаж| Тэгі: , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты