Эксперты: Аднаўленне Украіны на пачатковым этапе абыйдзецца ў 1,5 млрд даляраў

PanKi-moonУ 1,5 млрд даляраў абыйдзецца рамонт інфраструктуры, нармалізацыя эканамічнай сітуацыі, аднаўленне сацыяльнага ўкладу Украіны. Пра гэта стала вядома з паслання Генеральнага сакратара ААН Пан Гі Муна, якое было агучана ў Кіеве падчас Міжнароднай канферэнцыі ў падтрымку Украіны.

Аналіз выдаткаў, у якіх Украіна будзе мець патрэбу на першапачатковай стадыі аднаўлення, праведзены аналітыкамі Арганізацыі аб’яднаных нацый, Еўрапейскага саюза, Сусветнага банка, паведамляе ТАСС.

Пан Гі Мун адзначыў, што вынікі даследаванняў даюць аснову для пераходу Украіны да ўстойлівага развіцця. Пры гэтым генеральны сакратар дадаў, што Украіна можа разглядаць ААН як партнёра і саюзніка, які дапаможа ёй выйсці з крызісу і пабудаваць мірную будучыню.

У цяперашні час на тэрыторыі Украіны працуюць 16 структур ААН. Прыярытэтам міратворцаў, па словах генсакратара, з’яўляецца аказанне дапамогі 3,2 млн чалавек, у асаблівасці жанчынам, дзецям, людзям з абмежаванымі магчымасцямі.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
29.04.2015 У свеце| Тэгі: , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты