Веласіпедная пілігрымка Салігорск-Чанстахова пройдзе ў чэрвені

images (1)

14 чэрвеня з Салігорска ў Чанстахову адпраўляецца веласіпедная пілігрымка. Яе ўдзельнікі пераадолеюць 1000 кіламетраў. Для ўдзелу трэба мець жаданне, візу, добры ровар і фізічную падрыхтоўку.

На сённяшні дзень ёсць 25 жадаючых, каля 20 з іх з Салігорска. У сярэднім  30-40 гадовыя людзі, самаму старэйшаму пілігрыму 57 год, а малодшаму – 12. Разам збіраюцца на трэніроўкі, бо за дзень трэба будзе праязджаць больш 50 км, паведамляе catholic.by.

Шлях пілігрымкі запланаваны наступным чынам: Салігорск — Сіняўка — дзікае месца каля санаторыя «Сасновы бор» — Ружаны — Свіслач — Міхалова — Бельск-Падляскі — Ласіцэ — Воля-Альшэньска — Зволень — Шыдловец — Радошчыцэ — санктуарый св. Ганны — Чэнстахова. У першы дзень пілігрымы павінны будуць пераадолець 90 км шляху, у наступныя дні менш: па 58, 65.

Пілігрымы прыбудуць у Марыйны санктуарый 26 чэрвеня, адкуль у Беларусь вернуцца на спецыяльным аўтобусе 28 чэрвеня.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
29.04.2015 Абвесткі, Навіны цэркваў| Тэгі: , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты