Епіскап Антоній ўсклаў кветкі да помніка Жукаву

sluckПадчас урачыстасцяў 9 траўня ў Слуцку епіскап Слуцкі і Салігорскі Антоній прыняў удзел у мітынгу, прысвечаным Дню Перамогі, а таксама ўсклаў кветкі да брацкай магілы воінаў і да помніка Г.К. Жукаву, а таксама мемарыяльных знакаў у памяць пра ўдзельнікаў вайны.

Таксама епіскап Антоній наведаў канцэртную праграму на плошчы перад будынкам Слуцкага райвыканкама, паведамляе sluck-eparchiya.by.

У гэты ж дзень у Міхайлаўскім кафедральным саборы была здзейсненая Боская літургія з літыяй аб загінулых і набажэнствам падзякі, якую ўзначаліў протаіерэй Ігар Штэпа.

У Салігорску з удзелам клірыка кафедральнага сабора Нараджэння Найсвяцейшай Багародзіцы пратаіерэя Рыгора Бяляцкага і лідэра моладзевага брацтва Пятра і Фяўронні Мурамскіх Віктара Бровушкіна прайшлі сустрэчы памяці ахвяраў вайны ў гімназіі № 2, Салігорскім эканамічным тэхнікуме, а таксама са слухачамі «Універсітэта трэцяга ўзросту» пры Цэнтры сацыяльнага абслугоўвання насельніцтва.

8 траўня ў Салігорску адбылося ўрачыстае адкрыццё новай вуліцы – Падольскай -, прымеркаванае да 70-годдзя Перамогі. Новую вуліцу асвяціў клірык сабора Раства Багародзіцы іерэй Аляксій Розаў, пасля чаго першымі па ёй праехалі праваслаўныя байкеры.

Гутаркі з прыхаджанамі памяці загінулых аднавяскоўцаў 6-8 траўня правялі настаяцель храма Еўфрасінні Полацкай у вёсцы Скаўшын іерэй Генадзь Пашкевіч, настаяцель храма Раства Багародзіцы ў пасёлку Гарадзея пратаіерэй Аляксандр Цяляк, настаяцель храма Узвышэння Святога Крыжа ў вёсцы Цэпра пратаіерэй Валерый Вячорка. Таксама адбыліся сустрэчы са школьнікамі і хросныя хады да брацкіх магілаў.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
10.05.2015 Навіны цэркваў| Тэгі: , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты