Праваслаўная моладзь прыбярэ “патаемныя” звалкі смецця

musorВаланцёрская акцыя «Зробiм!» («Let’s do it!») праваслаўнай моладзі, ініцыяваная Сінадальным аддзелам па справах моладзі БПЦ, пройдзе ў Беларусі 16 траўня.

Удзельнікі акцыі маюць намер прыбраць несанкцыянаваныя звалкі смецця на тэрыторыі лясоў, блізу вадаёмаў, а таксама ў цяжкадаступных месцах, пра якія часам не ведаюць камунальныя службы. Далучыцца і ініцыяваць уборку ў сваім рэгіёне могуць усе жадаючыя. Сінадальны аддзел па справах моладзі БПЦ запрашае ўсе праваслаўныя брацтвы арганізаваць прыборку смецця ў сваім населеным пункце, паведамляе sobor.by.

«Зробiм!» – беларуская частка сусветнай кампаніі «Let’s Do It – World clean up 2015», якая аб’ядноўвае людзей, якія імкнуцца ачысціць прыроду ад смецця. Упершыню акцыя прайшла ў 2008 годзе ў Эстоніі, пасля чаго стала папулярнай ва ўсім свеце.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі