Біскуп Станеўскі: Дзеці – вясна Касцёла

uzafДзве сотні дзяцей з парафіі Найсвяцейшага Адкупіцеля ў гродненскім мікрараёне Дзевятоўка 10 траўня прыступілі да Першай Камуніі. Сакрамэнт Камуніі надзяліў дапаможны біскуп Гродзенскай дыяцэзіі Юзаф Станеўскі.

Падчас Святой Імшы біскуп Станеўскі асабліва звяртаўся да бацькоў, падкрэсліваючы, што дзеці – гэта «вясна Касцёла», якая нясе радасць – радасць, якая «павінна ператварыцца ў евангельскі чын, а прыклад добрага евангельскага чыну павінны даць сваім дзецям бацькі, бо гэта абавязак кожнага бацькі і маці», паведамляе catholic.by.

Адзінаццакласнікі з шчучынскай парафіі святой Тэрэзы, якой апякуюцца айцы-піяры, 9 траўня здзейснілі традыцыйную пілігрымку на заканчэнне катэхетычнага навучальнага года ў Нацыянальны санктуарый Маці Божай Будслаўскай.

На прыпынку ў Іўі з касцёлам святых Пятра і Паўла выпускнікоў пазнаёміў кс. Віталь Цыбульскі, таксама былі зробленыя прыпынкі, каб агледзець Валожын і Хатынь. На зваротным шляху пілігрымы завіталі ў санктуарый Маці Божай у Гудагаі і ў касцёл ў Гервятах.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі