Да ветэранаў Случчыны прыйшлі з віншаваннямі вернікі

ivanАктывісты праваслаўнага моладзевага брацтва святых Пятра і Фяўронні Мурамскіх пры салігорскім прыходзе Нараджэння Хрыстова 8 траўня прыехалі да пацыентаў аддзялення сястрынскага дагляду Чырвонаслабодскай гарадской бальніцы.

Братчыкі прывезлі пацыентам, большасць якіх перажыла пакуты вайны, салодкія падарункі і сродкі гігіены, паведамляе sluck-eparchiya.by.

9 траўня з кветкамі і падарункамі братчыкі прыехалі да ветэрана Івана Беразоўскага, які не можа выходзіць з дому.

Набажэнства аб здароўі ветэранаў адбылося 10 траўня ў храме Нараджэння Найсвяцейшай Багародзіцы ў пасёлку Гарадзея. Па заканчэнні набажэнства настаяцель храма пратаіерэй Аляксандр Цяляк ва ўрачыстай атмасферы павіншаваў ветэрана Фёдара Цвірку, які змог прыйсці на Літургію.

Сёстры бабруйскага сястрынства Сафіі Слуцкай пры Іверскім храме 9 траўня аб’ехалі з падарункамі былых вязняў канцэнтрацыйных лагераў і дзяцей вайны, паведамляе bobruisk.hram.by.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі