Пад Клецкам асвяцілі помнік славацкім воінам

znakНастаяцель праваслаўнага храма святапакутника Дыянісія Арэапагіта ў аграгарадку Заастравечча пад Клецкам іерэй Яўген Вячорка 9 траўня асвяціў надмагільную пліту ў памяць аб загінулых воінах-славакаў, пахаваных у брацкай магіле ў аграгарадку.

Па заканчэнні паніхіды хросным ходам пад перазвон званоў прыхаджане накіраваліся да помніка ля брацкай магілы, дзе праходзіў мітынг-рэквіем з удзелам намесніка пасла Славакіі ў Беларусі Эрыка Ліптака. Узнесшы малітву аб спачыне воінаў, святар асвяціў мемарыяльны знак, паведамляе sluck-eparchiya.by.

У гэты дзень у аграгарадку Вялікія Дольцы ў прысутнасці кіраўнікоў раёна, мясцовых жыхароў і навучэнцаў сельскай школы благачынны Ушацкай акругі пратаіерэй Вячаслаў Лобец асвяціў адрэстаўраваны помнік загінулым воінам і адслужыў паніхіду.

Памінальная літыя была адслужаная таксама на мемарыяльным комплексе “Прарыў” на трасе Мінск-Полацк, дзе затым адбыліся мітынг і канцэрт для ветэранаў, паведамляе eparhia992.by.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі