Нацбанк: рашэнні па ліцэнзіях 4 банкаў прынятыя дзеля бяспекі банкаўскай сістэмы

нацбанкУ Нацбанку паведамілі, што прынятыя рашэнні аб абмежаванні ліцэнзійных паўнамоцтваў “Еўрабанка”, “Н.Е.Б. Банка” і адкліканні ліцэнзій у “IнтерПэйБанка” і “БІТ-Банка” накіраваныя на ўмацаванне банкаўскай сістэмы Беларусі і забеспячэнне яе бяспечнага функцыянавання.

Як адзначылі ў Нацбанку, сукупныя актывы чатырох банкаў складаюць каля 0,18% ад актываў банкаўскага сектара, таму прынятыя ў дачыненні да іх меры практычна не аказваюць ўплыву на банкаўскую сістэму.

Права прыцягваць грошы фізічных асоб меў толькі “IнтерПэйБанк”, прычым дадзеныя ліцэнзійныя паўнамоцтвы банка прыпыненыя рашэннем Нацбанка яшчэ з 3 лютага 2014 года. Незапатрабаваных сродкаў на бягучых рахунках грамадзян у банку на 1 траўня засталося 25 млн рублёў.

Рашэнні ў дачыненні да банкаў рэгулятар прыняў, зыходзячы з ацэнкі перспектыў выканання імі патрабаванняў да мінімальнага памеру нарматыўнага капіталу.

У Нацбанку нагадалі, што ў маі 2012 года вырашыў павялічыць значэннt мінімальнага памеру нарматыўнага капіталу банкаў да 25 млн еўра.

ЗАТ “IнтерПэйБанк”, ЗАТ “БІТ-Банк”, ЗАТ “Н.Е.Б. Банк” і ЗАТ “Еўрабанк”, на думку рэгулятара, не далі пераканаўчых планаў па нарошчванню нарматыўнага капіталу. У студзені 2015 Нацбанк вырашыў прыпыніць дзеянне ліцэнзій на асобныя аперацыі, а уласнікам гэтых банкаў прапанаваў разгледзець пытанне аб пераўтварэнні ў нябанкаўскую крэдытна-фінансавую арганізацыю.

У акцыянераў быў выбар – нарасціць капітал да патрабаванага ўзроўню, захаваўшы банкаўскі бізнес, альбо сканцэнтравацца на менш рызыкоўных аперацыях, ператворыўшыся ў нябанкаўскую крэдытна-фінансавую арганізацыю, адзначылі ў Нацбанку.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
14.05.2015 Беларусь| Тэгі: , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты