Ватыкан прызнае Палестыну незалежнай дзяржавай

францішакВатыкан у бліжэйшы час падпіша пагадненне аб прызнанні Палестыны і ўсталяванні з ёй дыпламатычных адносін як з дзяржавай. Праца над тэкстам дакумента завершана, заявіла прэс-служба папскага пасаду. У тэксце пагаднення аб дзейнасці Ватыкана ў рэгіёне з’явіцца ўдакладненне, што дакумент прыняты дэлегацыяй дзяржавы Палестына, а не прадстаўнікамі Арганізацыі вызвалення Палестыны, як раней.

“Гэта афіцыйнае прызнанне таго, што гэта дзяржава існуе”, – заявіў кіраўнік прэс-службы Ватыкана Федэрыка Ламбардзі, перадае BBC.

Перамовы паміж палестынцамі і Ватыканам доўжыліся 20 гадоў. Ватыкан хоча, каб грамадзянскія правы хрысціян, храмы і маёмасць Касцёла ў палестынскай дзяржаве былі абаронены.

Ізраіль выказаў сваё расчараванне гатоўнасцю Ватыкана прызнаць дзяржаву Палестына. У ізраільскім МЗС лічаць, што такія дзеянні не будуць спрыяць мірнаму працэсу і не пасодзяць палестынцаў за стол перамоваў, паведамляе Euronews.

Між тым прадстаўнік палестынскіх уладаў Ханан Ашраві адзначыў, што Рамала надзвычай натхнёная прызнаннем Ватыканам дзяржавы Палестына. Паводле яго слоў, гэта з’яўляецца «вельмі пазітыўным развіццём сітуацыі не толькі палітычна, але і ў маральным, чалавечым і юрыдычным сэнсе». «Такія крокі рыхтуюць новую эру для Палестыны, сведкам якой стане ўвесь свет», – сказаў ён.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі