У Салігорску святароў вучылі праводзіць “Гадзіну моладзі”

casПраваслаўныя святары Салігорскага благачыння Слуцкай епархіі 14 траўня сабраліся на сустрэчу, прысвечаную распрацоўцы фармату “Гадзіны моладзі”, якая будзе рэгулярна праводзіцца ва ўсіх прыходах.

На думку ініцыятара сустрэчы – кіраўніка аддзела па справах моладзі Слуцкай епархіі Паўла Сяргеева – такое пачынанне зможа вырашыць шэраг праблемаў у галіне працы з моладдзю. Да прызначэння на пасаду памочніка благачыннага па працы з моладдзю быў рэкамендаваны Віктар Бровушкін, які ўзначальвае моладзевае брацтва святых Пятра і Фяўронні, – першае ў Слуцкай епархіі, паведамляе sluck-eparchiya.by.

Таксама было прынятае рашэнне праводзіць не толькі рэгулярную «Гадзіну моладзі», але і абавязковыя катэхізатарскія сумоўі перад таямніцамі хросту і вянчання.

Таксама Аддзелам па справах моладзі будзе праведзены цыкл навучальных семінараў па павышэнні кваліфікацыі супрацоўнікаў благачыння ў сферы працы з моладдзю.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі