У Беларусі з’явіўся першы касцёл святога Яна Паўла ІІ

papiezБіскуп Пінскі Антоні Дзям’янка 15 траўня ў Баранавічах у мікрараёне Бараўкі асвяціў першы ў Беларусі касцёл святога Яна Паўла ІІ.

У гаміліі біскуп надзяліў шмат ўвагі асобе Святога Папы, нагадаўшы, што святы Ян Павел ІІ вельмі клапаціўся аб тым, «каб менавіта Усход мацней і паўней дыхаў верай», а «дыхаць — значыць маліцца, прымаць святыя сакрамэнты і таму будаваць святыні. Гэтая наша святыня і яе жыццё няхай будуць выразам удзячнасці за тое, што Бог нам даў такога Святога Айца. Сённяшні дзень – гэта таксама рэалізацыя, спаўненне яго мараў. Ён глядзіць на нас і благаслаўляе з дому Нябеснага Айца», паведамляе catholic.by.

Таксама біскуп заклікаў «стаць унутры Касцёла, каб зразумець яго таямніцы – у сярэдзіне Касцёла,  не толькі адміністрацыйна, не толькі праз фармальную прыналежнасць, але жывучы ім ад усяго сэрца ».

Падчас фацімскіх набажэнстваў 13 траўня ў парафіі Нараджэння Найсвяцейшай Панны Марыі ў Зарачанцы пад Баляй Касцёльнай, якія ў гэтым годзе супалі з 34-я гадавінай замаху на жыццё Святога Айца Яна Паўла ІІ, у зарачанскую парафію была прынесеная рэліквія – кроў святога Яна Паўла ІІ.

Пробашч парафіі кс. Віктар Мыслюк унес рэліквіі ў святыню на чале працэсіі.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
16.05.2015 Навіны цэркваў| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты