Ірландцы рыхтуюцца да рэферэндуму аб аднаполых шлюбах

150518130033__82676859_mothers-fathersmatterlch2a

Рэферэндум аб легалізацыі аднаполых шлюбаў у Ірландыі пройдзе 22 траўня. Рашэнне будзе ўпершыню ў свеце прымацца не парламентам або судом, а ў выніку ўсенароднага рэферэндуму.

Усе асноўныя палітычныя партыі заклікаюць прагаласаваць за гэтае рашэнне. Супраць выступаюць Каталіцкая Царква і многія кансерватыўна настроеныя грамадскія дзеячы, паведамляе bbc.co.uk.

Прыхільнікі традыцыйнай сям’і спрабуюць данесці свой пункт гледжання ў сацсетках. Яны кажуць, што “роўнасць правоў пры заключэнні шлюбу ў рэальнасці з’яўляецца няроўнасцю для дзяцей”.

Сенатар Ронан Мюлен – адзін з нямногіх парламентарыяў, якія маюць намер сказаць на рэферэндуме “не”. Ён спадзяецца, што будзе шмат тых, хто не прыме гэтую прапанову.

Гомасэксуалізм у Ірландыі быў легалізаваны ў 1993 годзе. За гэтыя гады Ірландыя моцна змянілася. І калі раней геі і лесбіянкі гістарычна адчувалі сябе дыскрымінаванымі, а часам цярпелі і фізічнае насілле, то цяпер ахвярай паліткарэктнасці і ангажаванасці СМІ лічыць сябе процілеглы бок.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
18.05.2015 У свеце| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты